Federal Parliament Election 2082

• 2082

राष्ट्रिय स्वतन्त्र पार्टी

अघिल्लो स्थानीय तह निर्वाचनमा पोखरा महानगरपालिकाको मेयरमा स्वतन्त्र उम्मेदवारका रूपमा लौरो चिन्हबाट चुनाव लडेपछि पौडेल सक्रिय राजनीतिमा उदाएका थिए । वैकल्पिक राजनीतिको खोजीका क्रममा उनी केही समय बाबुराम भट्टराईसँग पनि जोडिए, तर त्यो अभियान दीर्घकालीन रूपमा अघि बढ्न सकेन । त्यतिबेला उनका मित्र बालेन्द्र शाह काठमाडौंको मेयरमा विजयी हुँदा पौडेलले भने चुनावी अनुभव मात्र हासिल गरे । त्यसपछि बालेन्द्र शाहसहित नयाँ राजनीतिक शक्तिको उदयसँगै पौडेल पनि राष्ट्रिय स्वतन्त्र पार्टीमा आबद्ध भए । सोही पार्टीबाट उनले प्रतिनिधिसभा निर्वाचनका लागि आफ्नै गृहक्षेत्र कास्की–१ बाट उम्मेदवारी दिएका छन्, जसले उनलाई साहित्य र शिक्षण क्षेत्रबाट राष्ट्रिय संसदीय राजनीतिमा प्रवेश गराएको छ ।