प्रतिनिधि सभा सदस्य निर्वाचन २०८२

परिचय

सरल जीवनशैली, सहयोगी स्वभाव, मृदुभाषी स्वाभावका कागते २०१८ सालमा जन्मिएका हुन् । १८ वर्षकै उमेरमा कम्युनिस्ट पार्टीको सम्पर्कमा पुगेका कागते २०४६ सालदेखि माले हुँदै नेपाली वामपन्थी आन्दोलनमा सहभागी भए । उनी ०४९ मा भएको पहिलो स्थानीय निकायको निर्वाचनमा तत्कालीन कन्याम गाविस वडा नं. १ को वडाध्यक्ष निर्वाचित भए । पछि कन्याम गाविसको उपाध्यक्षमा जित हासिल गरे । २०७४ को आम निर्वाचनमा उनी इलाम १ (ख) बाट प्रदेशसभा सदस्यमा निर्वाचित उनले इलाम निर्वाचन क्षेत्र नम्बर १ को एमाले क्षेत्रीय अध्यक्षका रूपमा दुई कार्यकाल पूरा गरेका हुन् । उनले विशेषगरी चिया किसानको पक्षमा आन्दोलनको अगुवाइ गरेका छन् । उनले कन्यामको श्रीकृष्ण श्रम माविमा लगातार १५ वर्ष विद्यालय व्यवस्थापन समितिको अध्यक्ष भएर काम गरे ।