प्रतिनिधि सभा सदस्य निर्वाचन २०८२

परिचय

नेपाली राजनीतिको परम्परागत धारलाई चिर्दै उदाएकी एक प्रभावशाली नेतृ हुन्, निशा डाँगी । झापाको भद्रपुरमा जन्मिएकी डाँगी राष्ट्रिय स्वतन्त्र पार्टी (रास्वपा) बाट झापा–१ मा प्रतिनिधि सभाकी उम्मेदवार हुन्  ।  राजनीतिमा पूर्णकालीन हुनुअघि डाँगी सञ्चारकर्ममा सक्रिय थिइन् ।  सञ्चार क्षेत्रको अनुभवले उनलाई जनसरोकारका मुद्दा बुझ्न र ती विषयलाई प्रभावकारी रूपमा प्रस्तुत गर्न सघायो । २०७९ को आम निर्वाचनमा रास्वपाबाट समानुपातिक कोटा (खस–आर्य समूह) मार्फत निर्वाचित हुँदा उनी २ सय ७५ सदस्यीय संघीय संसद्कै सबैभन्दा कम उमेरकी ’कान्छी सांसद’ बनेर इतिहास रचेकी थिइन् ।  नेतृत्व र संसदीय भूमिका कम उमेरमै उनले रास्वपाको संसदीय दलको सचेतक जस्तो गहन र जिम्मेवार भूमिका निर्वाह गरेर आफ्नो राजनीतिक तथा नेतृत्व क्षमतालाई प्रमाणित गरिसकेकी छन् ।   नयाँ पुस्ताको जोश र स्पष्ट भिजन बोकेकी उनी नेपाली राजनीतिमा आशालाग्दो भविष्य बोकेकी नेतृका रूपमा स्थापित छिन् ।