प्रतिनिधि सभा सदस्य निर्वाचन २०८२

परिचय

नेकपा एमालेका उम्मेदवार क्षितिज थेवे ताप्लेजुङको सिरीजंघा गाउँपालिका-१ सिनाममा जन्मिएका हुन् । उनले एसएलसीसम्मको अध्ययन गाउँकै सिनाम माविबाटै गरे । उच्च शिक्षाका लागि काठमाडौं गएका उनले स्नातक तहसम्मको अध्ययन गरेका छन् ।  पारिवारिक रुपमा राजनीतिक पृष्ठभूमिका उनले नेकपा एमालेको भ्रातृ संगठन अनेरास्ववियुबाट आफ्नो राजनीतिक यात्रा प्रारम्भ गरेका हुन् । अनेरास्ववियुपछि युवा संघको केन्द्रीय सदस्य, सचिव, उपाध्यक्ष हुँदै दुईपटक केन्द्रीय अध्यक्षको जिम्मेवारी पाए । एमालेको प्रदेश कमिटी सदस्य हुँदै पछिल्लो महाधिवेशनबाट केन्द्रीय सदस्यमा निर्वाचित उनी जनप्रतिनिधिका लागि पहिलोपटक चुनावी प्रतिस्पर्धामा होमिएका हुन् । थेवेका श्रीमती र एक छोरा छन् ।  थेवेका पिता भुपेन्द्र संविधानसभा सदस्य हुन् भने माता उर्मिला २०७९ मा एमालेको समानुपातिक सूचीबाट सांसद बनेकी हुन् ।