परिचय
पत्रकारिता पृष्ठभूमिबाट राजनीतिमा प्रवेश गरेका उत्तमप्रसाद पौडेल राष्ट्रिय स्वतन्त्र पार्टीका युवा उम्मेदवार हुन् । रेडियो र टेलिभिजन पत्रकारितामार्फत भ्रष्टाचार, बेथिति र सामाजिक विसंगतिविरुद्ध आवाज उठाउँदै आएका उनी ‘सिधा कुरा जनतासँग’ जस्ता लोकप्रिय कार्यक्रममार्फत परिचित बने । सञ्चार क्षेत्रबाटै सुशासनको वकालत गरेका पौडेल अहिले सोही मुद्दालाई संस्थागत गर्न राजनीतिमा प्रवेश गर्दै कास्की क्षेत्र नं. २ बाट प्रतिनिधि सभा सदस्यका उम्मेदवार बनेका छन् ।
कास्की-२
सबै हेर्नुहोस्निर्वाचन परिणाम
| निर्वाचन मिति | २१ फागुन २०८२ |
| कुल मत |
३१,९११ मत
२४,४१८
|
| निर्वाचन क्षेत्र | कास्की-२ ( गण्डकी प्रदेश ) |
| राजनीतिक दल | राष्ट्रिय स्वतन्त्र पार्टी |
| निर्वाचन परिणाम | निर्वाचित |
आधारभूत जानकारी
| जन्ममिति | २०३८-११-२८ ( ४३ वर्ष ) |
| जन्मस्थान | रूपा गाउँपालिका, देउराली, कास्की |
| बाबु, आमा | चिरन्जिवी प्रसाद उपाध्याय |
| ठेगाना | कास्की रूपा गाउँपालिका |
| हालको ठेगाना | रानीपौवा, पोखरा महानगरपालिका, कास्की |
| शिक्षा | स्नातक रनिङ |
| निर्वाचन प्रणाली | प्रत्यक्ष |
राजनीतिक आबद्धता
राष्ट्रिय स्वतन्त्र पार्टी
राजनीतिक घटनाक्रम
पत्रकारितामार्फत सामाजिक विकृति र भ्रष्टाचारविरुद्ध आवाज उठाउँदै आएका पौडेल रवि लामिछाने सँगै लामो समय सञ्चार क्षेत्रमा सक्रिय थिए । लामिछानेले राजनीतिमा प्रवेश गरेपछि उनी पनि राष्ट्रिय स्वतन्त्र पार्टीको अभियानमा जोडिए । सञ्चार क्षेत्रको अनुभवलाई राजनीतिक अभियानमा रूपान्तरण गर्दै उनले सुशासन, विधिको शासन र भ्रष्टाचार अन्त्य गर्ने उद्देश्यसहित प्रत्यक्ष राजनीतिमा प्रवेश गरेका हुन् । हाल उनी रास्वपाको तर्फबाट कास्की क्षेत्र नं. २ मा प्रतिनिधि सभा सदस्यका उम्मेदवारका रूपमा चुनावी प्रतिस्पर्धामा छन् ।